有一日，係眾朋友慫恿之下，我下載左CMB（dating app）。當我每次對話開頭都係「食左飯未」、「做緊咩呀」，覺得好無聊之際，有一個人既profile寫住我最鐘意玩既遊戲，於是我地就開展左對話。講講下原來對方係做startup，於是好自然地，就約出黎飲咖啡。
約好係中環見面，大家坐底噓寒問暖後，就問起「你個startup係做咩架？」。當佢心入面係希望「做startup幾型，一定溝死女」，可惜遇著個怪人。
每日開會，習慣地聽完會不斷問問題去了解公司營運、背後理念、點去實行，問完就會心入面分析值唔值得投資，見五十間可能先有一間會去投資。
而一開左哩個話題，我就職業病發作。但開左個頭，於是我既好奇心就一題接一題地去問。而一餐咖啡就變成例行工事，dating既對象就當然嬲嬲地。
最後佢問左一句：「你去邊呀一陣？我要走喇約左人。」而本身說好的晚飯，飲完一杯咖啡就無左。成為左我第一次同唯一一次既online dating experience。
