男人苦惱兩樣野，女人同錢。創業苦惱兩樣野，時間同錢（無錯，放棄女人多年單身都係各國創業常見現象）。
是咁的，有一日的起心肝去同老板講，「我想轉part-time」。係VC既投資項目就好似仔仔咁，佢地一日未大，都唔捨得完全離開。心里面都做好最壞既打算，最多都係無人工去創業。
可惜人算不如天算。
老板十分支持，仲覺得我self-actualization。不過呢，就無諗住放生我。「唔洗咁急既，我地近排呢不如做埋哩個新project⋯⋯」
打工加創業我唔係第一人。Output絕對係要時間換番黎。所以大部份選擇打工創業既人，創業路都比較「慢」長。係香港，100%既朋友都話「你就好啦，可以安心去創業，起碼唔洗憂錢」。
諗落，到底係無錢定無時間慘啲呢？
同過唔少打工創業同辭職創業既人傾計，大家雖然口講都係諗財務考慮，但聽落，其實心態先係最重要既決定點。就算已經儲左錢計好晒，決定踏出穩定收入既comfort zone個下係最需要勇氣。時間換取金錢，從來都無捷徑。而創業，哩個只係開始。
過左幾個星期非人生活，兩份工本身自己都忙，而全情投入一件事，忽然間幾個鐘後又要一個轉向全情投入另一個方向。要學下Elon Musk先得喇。
